10
Xan

Tiñan razón

   Posted by: lannister   in Lingua

A recente proposta do IGEA sobre o bilingüismo causou certa polémica. A verdade non é para menos. Non polo emprego do termo bilingüismo senón polos argumentos que empregan. De feito estes poden sintetizarse en:

– todos os que dicían que o castelán estaba dalgún xeito marxinado tiñan razón. Xa vexo a Gloria dando chimpos de pura ledicia.
– hai que ir cara a un modelo de convivencia que recoñeza o sitio do castelán.
Podería seguir porén ao final pregúntome se para dicir iso facían falta tantas palabras. Con darlle a razón a Gloria e dicir que o modelo de Feijoó e Anxo son, xa non o único posíbel, senón o mellor, xa estaba.
Tanto tempo pedindo un plan B para salvar algo e aquí esta: o pesebrismo, salvemos a poltrona. Se Anxo marcha aí esta Henrique para facer o “sacrificio” pola lingua.

E que queda despois de todo isto?
– Unha nova lea divisoria que sumar a guerra normativa.
– Un novo argumento para marxinar e estigmatizar os catro que quedamos defendendo a lingua sen matices de ningún tipo.
– Unha boa base para que Feijoó ou que sexa “iguale” o castelán e o galego. Ou para que derogue a Lei de Normalización para sustituila por unha Lei de Dinamización da Lingua Galega e convivencia harmónica/amable co castelán.
– Acaba co concepto de normalización e todos os escasos logros destes anos.

E para rematar xa que falamos de ter razón, os reintegracionistas tiñan razón. Os defensores desta normativa no fondo teñen o corazón en Castela. Vaian desde aquí as miñas desculpas.

Tamén en Galizauberalles2

Tags: ,

This entry was posted on Luns, Xaneiro 10th, 2011 at 2:16 p.m. and is filed under Lingua. RSS 2.0You can follow any responses to this entry through the feed. Both comments and pings are currently closed.

4 comments so far

 1 

Análise muito sombriza, mas acertada.

Mas, el-haverá xente dentro do “oficialismo normativo“ disposta a encetar umha reforma normativa que faza do galego umha lingua de seu, quero dizer, que reconheza a necesidade de nos arredar do castelanismo abranxente da normativa RAG-ILG e de nos aproximar do portugués, mas sem nos fundirmos nel?

Partindo da base de que o galego é um co-dialecto do mesmo sistema galego-portugués-brasileiro, mas com direito a norma propia diferenciada da portuguesa. Umha norma a meio caminho entre a da RAG-ILD e a da AGAL. Repare: com 6 ou 7 mudanzas ortográficas muito simples se pode criar esa norma, que é a que venho tratando de usar neste comentario. A morfoloxia dos verbos e da sua flexom cos pronomes clíticos nom há que muda-la practicamente em nada. O “enxebrismo internacional“ no eido lexical e umha apertura ideolóxica ao lusismo posibilitaria dar novos pulos ao novo galego.

Em breve abrirei um blogue para detalhar a minha proposta. Infelizmente, os reintegracionistas nom tenhem relevancia social. Se a montanha nom vai a Mahoma, Mahoma irá á montanha. Cumpre mudar as cousas de dentro, dentro da RAG-ILG. Apenas é preciso liberar o oficialismo da isolopatia e ignorar os reintegracionistas radicais, que trabalham para eles proprios ou para um mundo que nom existe mais que no seu maxím.

Eu acredito ainda numha terceira via para o galego. Eu xa nom vexo a questom della lingua em termos de reintegracionsimo / isolacionismo, mas apenas em GALEGO DE SEU (por ter o vizo dumha norma de seu, nem castelanizante nem lusitanizante) ou GALEGO DE OUTROS (por pretender-se baralhete espanhol, num caso, ou simples “português“, no outro).

Para poder aspirar a ter lingua propria, e pais propio, cómpre comezar por ter umha normativa propria, a serio.

Saude

Xaneiro 11th, 2011 at 4:01 p.m.
xopau
 2 

Moi de acordo dontigo en todo gascon, mais no reintegracionismo este discurso xa foi expulsado e illado…eles van no padrao, padrao…coa súa iluminación permanente.
Dos outros (refírome aos que a crearon e aos que a dirixen; non aos utentes) mellor nen falar…

Xaneiro 12th, 2011 at 9:43 a.m.
lannister
 3 

Benvido Gascón. A opción que presentas sería a máis atinada. O fallo ben do que di Xopau. Nestes momentos todo o mundo esta mais interesado en afondar nas diferenzas ou en buscar un acobillo que lle permita estar ben mantido ca noutras cousas mais positivas.
un saúdo.

Xaneiro 12th, 2011 at 1:09 p.m.
duar
 4 

Excelente razoamento. Acho que foi unha divertida lea. Uns pro-cubanos( que algo asim como se os palestinianos foram pro-judeus do brooklyn) que lles importou un caralho o galego mentres governaron, prefiriron os muiños(xa dixo o p.r que o lio do galego era cousas dos socialistas) agora van de puros e defensores da lingua nacional.
Por outra acho que o frijolete mandou que a sua tese(llevar las libertades civiles a la escuela gallega, manda troula co luther King do carallo), imposición,bilinguismo etc, sexa aceite pola comunidade oficial galeguista?.Traballo feito, agora xa se pode dizer co do bipartido era imposición e ir de “mejor galleguista”.
Con total sinceridade, somente pode-se parabenizar pelo suceso(admite todas os significados posibeis) a faes-galiciabifida.

Xaneiro 19th, 2011 at 10:19 p.m.

2Trackbacks/Pings

  1. Galizauberalles » Arquivo do blogue » Folga e tempos novos    Xan 26 2011 / 11a.m.:

    […] Por outro lado e sen ter nada que ver quen poida ler a editorial de Tempos Novos deste mes, edición impresa non esta na dixital, debería facelo. Incide de xeito moito máis atinado ca min e con mellor escrita no que xa dixen aquí. […]

  2. Galizauberalles » Arquivo do blogue » Achegarte e unha puntualización    Mar 16 2011 / 11a.m.:

    […] A puntualización ven a raíz deste anuncio, o libro en cuestión trata disto. O que quero puntualizar é que se ben hai cousas nas que concordo con Converxencia XXI, noutras non.  Esta é unha das que non. A miñapostura non cambiou niso e sigue sendo a mesma. […]